Tregtarët e tregut çam po protestojnë për shkak se nuk u lejohet të ushtrojnë aktivitetin e tyre prej katër ditësh.
Tregtarët të cilët janë të pajisur me të gjitha dokumentat e nevojshme dhe paguajnë rregullisht taksat prej 19 vitesh, janë gjobitur nga bashkia për zaptim të hapësirës së lirë.
Ata shprehen se bashkia iu ka vënë gjoba pa paralajmërim dhe se janë rikthyer sërish për të vënë gjoba të dyta.
Mendohet se një prej banorëve të pallatit ku gjenden dyqanet e tregtarëve dhe administratori i pallatit, kanë bërë ankesë për ushtrimin e aktivitetit të tyre në hapësirën e lirë para dyqaneve.
Tregtarët kërkojnë zgjidhjen sa më shpejt të situates.
