Terror në Paris, një person vret 4 policë me thikë

Një burrë me thikë ka vrarë katër oficerë në selinë qendrore të policisë në Paris, raportojnë mediat franceze.

Agresori, identiteti i të cilit nuk është bërë i ditur, por thuhet se është anëtar i stafit, u qëllua më vonë nga policia.

Deri më tani nuk ka ndonjë deklaratë zyrtare. Zona në ‘la de la Cité – në qendër të Parisit – është mbyllur.

Sulmi vjen një ditë pasi policia hyri në grevë nër Francë për shkak të rritjes së dhunës ndaj oficerëve.

Ngjarja ndodhi rreth orës 13:00 me kohën lokale (11:00 GMT; 12:00 BST) në oborrin e ndërtesës.

Kryeministri francez Edouard Philippe dhe Ministri i Brendshëm Christophe Castaner janë të dy në vendin e ngjarjes.

Kryebashkiaku i Parisit Anne Hidalgo konfirmoi në Twitter se “disa njerëz” ishin vrarë në sulm, i cili ndodhi pranë vendeve të frekuentuara turistike përfshirë katedralen e Notre-Dame.

Një person tjetër u raportua gjithashtu i plagosur.

Sipas zyrtarëve të sindikatës policore, agresori punonte si pjesë e administratës së selisë së policisë. Burimi: BBC/ Faxweb.al