“Një nga prokurorët më të zotë”, gazetari i del në krah Arian Ndojas: “Gabimi” që po i rrezikon karrierën

Prokurori i Durrësit Arian Ndoja është vënë në qendër të akuzave nga kryeministri Edi Rama dhe zëvendësi i tij Erion Braçe, pasi sipas tyre ka lidhje me grupet kriminale në qytetin bregdetar.

Akuzat ndaj Ndojës nisën pasi ky i fundit urdhëroi arrestimin e ish-kreut të Kadastrës në Durrës Liridon Pula, për të cilin sot Gjykata dha masën e arrestit me burg.

Për gazetarin Basir Çollaku, kjo është pikërisht arsyeja se pse po sulmohet prokurori, që në dijeninë  e tij është një nga më të zotët në profesion.

“Prokurori Arjan Ndoja eshte nder Prokuroret me te zote, jashte çdo kontakti qofte dhe imagjinar me mafien dhe krimin e organizuar.. Arjani ka nje”gabim” por qe i ben nder profesionit, ka arrestuar arkivin mafioz te Rames, kadastren e shoqnise se tij…”, shkruan Çollaku në reagimin e tij.

Kujtojmë se Rama dje në Kuvend, u shpreh se prokurori i Durrësit kishte lidhje me grupet kriminale, dhe paratë e fituara prej tyre i lintë në bizhoz në Monte Carlo.

Braçe tha më tej sot se arrestimi i Liridon Pulës, është bërë me qëllim favorizimin e disa ndërtimeve në Gjirin e Lalëzit, që i përkasin një grupi kriminal në qytetin e Durrësit.

Video/ Nga rrahja e avokatit para gjykatës, tek dhjetëfishimi i pasurisë, kush është prokurori Arjan Ndoja për të cilin Rama kërkoi të arrestohet

(E.K/Faxweb.al)