Presidenti i Republikës, Ilir Meta inicioi sot nismën që ka ndërmarrë “U’ jam Arbëresh” me mbajtjen e takimit të parë të këtij Forumi në Institucionin e kreut të shtetit.
Meta së bashku me personalitete të shquara shqiptare dhe arbëreshe, të historisë, artit e kulturës, por edhe të politikës, kanë iniciuar krijimin e Forumit “U” jam Arbëresh”. Meta ka publikuar në Facebook-ut e tij foto nga kjo nismë.
Presidenti shkruan se kjo nismë e rëndësishme ka për qëllim të evidentojë, të ruajë dhe të promovojë identitetin kombëtar, trashëgiminë kulturore arbëreshe.
“Kjo nismë tepër e rëndësishme, ka për qëllim të evidentojë, ruajë dhe promovojë identitetin tonë kombëtar, trashëgiminë kulturore arbëreshe: gjuhën, traditat, folklorin dhe ritet fetare, këtë pasuri të çmuar, të lashtë dhe unike edhe të trashëgimisë kulturore europiane dhe botërore, që na bën krenarë dhe që duhet ta mbrojmë e ta promovojmë më së miri.”
Gjithashtu, Meta shprehet se në forum mirëpritet kontributi dhe idetë e të gjithëve.
“Shumë i lumtur, që së bashku me personalitete të shquara shqiptare dhe arbëreshe, të historisë, artit e kulturës, por edhe të politikës, të inicionim sot krijimin e Forumit “U’ jam Arbëresh”.
Kjo nismë tepër e rëndësishme, ka për qëllim të evidentojë, ruajë dhe promovojë identitetin tonë kombëtar, trashëgiminë kulturore arbëreshe: gjuhën, traditat, folklorin dhe ritet fetare, këtë pasuri të çmuar, të lashtë dhe unike edhe të trashëgimisë kulturore europiane dhe botërore, që na bën krenarë dhe që duhet ta mbrojmë e ta promovojmë më së miri.
Themelimi i Forumit “U’ jam Arbëresh” është i një rëndësie të veçantë kombëtare për vetë kontributin e jashtëzakonshëm që arbëreshët kanë dhënë në shekuj për mbijetesën e kombit tonë dhe afirmimin e tij europian.
Në këtë Forum, mirëpresim kontributin dhe idetë e të gjithëve.??”, shkruan presidenti në postimin e tij.
(K.H/Faxweb.al)
Discussion about this post