Banorët e Tufinës janë përplasur me policinë të cilat kanë tentuar ti largojnë ndërkohë që banorët janë përfshirë në një konflikt pronësie me një palë tjetër.
Banorët shprehen se shteti vepron me dy standarte dhe se nuk zbaton as vendimet e gjykatave. Ata pretendojnë se janë banorë të hershëm në këtë zonë por që sipas tyre prona e tyre po tentohet t’ju merret.
“Jemi tre shekuj këtu, nuk kemi vjedhur gjë i kemi me letra. S’kemi punë me ju (u drejtohet policëve), janë ca përmbarues që marrin lekët dhe na quajnë katunar”, tha njëri nga banorët.
“Të gjithë që kanë kaluar SPAK-un janë për burg, na bëtë kriminela në vendin tonë. Drejtësia dhe shteti janë me dy standarte për të njëjtën çështje”, tha një banorë tjetër.
Ndërkohë për Fax News njëri nga banorët tha se disponon vendimin e Shkallës së Parë që ia ka njohur pronësinë, ndërsa përmbarimi i ka future në konflikt me palën tjetër.
“I lutem Policisë të mos bëhet palë me vendimet kriminale me Komisionin e Kthimit të Pronave dhe gjykatave kriminale. Do të përballen një ditë me drejtësinë. Të dy fiset që kanë tentuar të marrin truallin i kanë humbur gjyqet. Ja ku e i kam vendimin e Shkallës së Parë që e kam fituar gjyqin, ata korruptuan disa njerëz dhe u munduan ta ndryshojnë”, tha ai ndërsa gjithë procesi është mbajtur në hije.
https://www.facebook.com/faxweb.al/videos/2444655258963906/
(F.GJ/FAXWEB.AL)
Discussion about this post