Kapiteni Elseid Hysaj nuk mund t’i ndahet kombëtares kuqezi. Ai i është bashkuar ekipit, madje po rri afër djemve. Shkodrani është dhe në dhomat e zhveshjes, ndërsa ka zbritur dhe në fushën e stadiumit të Stambollit, aty ku do të zhvillohet ndeshja e Turqisë kundër Shqipërisë.
Elseid Hysaj pësoi një lëndim të tmerrshëm në ndeshjen e fundit në kampionatin Italian Serie A, ku Napoli luajti kundër Torinos.
Kapiteni i kombëtares humbi dy ndeshjet e radhës kundër Turqisë dhe Moldavisë, teksa pritet që mos të luajë për rreth 20 ditë.
Por edhe pse i dëmtuar dhe nuk do të luajë, kjo gjë nuk e ka ndaluar atë që të shkojë në Turqi për tu dhënë mbështetje morale lojtarëve.
Discussion about this post