Biznesmeni Frident Kuqi, pronari i kompanisë të naftës “Elda” po hetohet nga Prokuroria e Tiranës.
Nga të dhënat paraprake, mësohet se Kuqi pronar i kompanisë së naftës ‘Elda” është përfshirë në një ngjarje kriminale. Bëhet me dije se biznesmeni së bashku me persona të tjerë kanë dhunuar rëndë dhe marë peng, pronarin e një karburanti në qytetin e Përmetit, 57-vjeçarin Gëzim Ibrahimi.
Po ashtu bëhet e ditur se ngjarja ka ndodhur konkretisht në datën 3 tetor, pranë komisariatit nr.1 në kryeqytet. Frident Kuqi rënditet si një ndër njerëzit më të pasur në Shqipëri.
Biznesmeni akuzohet se ka marrë peng Ibrahimin dhe përmes presionit e ka çuar tek noteri, ku duhet të firmoste një dëshmi ku pranonte se i kishte një borxh prej 30 milionë lekësh të vjetra Kuqit. Kjo pasi ky i fundit i kërkonte 57-vjeçarit qiranë e pikës së karburantit në Përmet.
Nga ana tjetër, Policia në një njoftim të saj, nuk ka dhënë detaje nga ngjarja, ndërsa shkruante se: “Më datë 03.10.2019, u referuan materialet në Prokurorinë pranë Gjykatës së Shkallës së Parë Tiranë dhe punohet për shoqërimin e shtetasit F.K., 59 vjeç, banues në Tiranë, pasi në bulevardin “Zhan D’ark”, ka kanosur e goditur me grusht, shtetasin G. I., 57 vjeç, banues në Përmet”.
Discussion about this post