Bombardimet në pjesën veriore të Sirisë po sjellin shpërngulje të mëdha në vend. Më shumë se 1000 njerëz janë larguar nga vendi .
Lajmi është bërë i ditur nga Programi Botëror i Ushqimit, i cili shprehet se pjesa më e madhe e të zhvendosurve janë nga qytetet Ras al-Ayn dhe Tal Abyad.
Të paktën 30 persona kanë humbur jetën dhe dhjetra të tjerë janë plagosur si pasojë e ofensivës së ndërmarrë nga Turqia kundër kurdëve.
Në mesin e të vrarëve është edhe një politikane kurde e quajtur Hevrin Khalaf. Ajo është ekzekutuar nga grupet e mbështetura nga Turqia. Khalaf ishte sekretare e përgjithshme e partisë “E Ardhmja e Sirisë”.
Ndërkaq Gjermania ka ndaluar eksportet e armëve në Turqi. Kjo masë vjen si kundërpërgjigje ndaj ofensivës që Ankaraja ka nisur kundër kurdëve.
Veprimet e Turqisë kanë ngjallur reagime shumë të ashpra nga shumë vende, madje Bashkimi Evropian ka kërcënuar me sanksione Ankaranë.
OKB-ja ka paralajmëruar Turqinë që të mos lejojë një masakër civile pasi kjo gjë mund ta shtyjë ISIS që të bëjë reformimin e celulave terroriste .
Ankaraja filloi operacionin ndërkufitar të mërkurën, duke deklaruar se dëshiron të pastrojë zonën nga milicitë kurde që kreu i shtetit turk Rexhep Taip Erdgoan i cilëson si terroristë ./Klan Plus
Discussion about this post