Të paktën 14 oficerë policie u vranë në një pritë në shtetin perëndimor meksikan Michoacan të hënën, një reflektim i dhunës së shtuar midis forcave të sigurisë dhe grupeve kriminale në një nga rajonet më të paqëndrueshme të vendit.
Skuadrilja e policisë së shtetit ishte urdhëruar nga një gjykatë të hynte në komunën e Aguililla, ku kartelet e drogës prej kohësh kanë mbajtur ndikim të konsiderueshëm, për të tërhequr një grua dhe vajzën e saj. Katër vetura patrulluese u zunë në pritë në një rrugë kryesore pikërisht jashtë qytetit.
“Disa civilë të armatosur qëlluan mbi ta,” tha departamenti i sigurimit të shtetit. Dy nga makinat patrulluese u vunë në zjarr.
Alfonso Durazo, sekretari i vendit për sigurinë publike, tha të hënën se López Obrador kishte trashëguar një “krizë kronike të pasigurisë” nga administratat e mëparshme. Por sulmi ndaj policisë në Michoacán tregon se dhuna – veçanërisht midis grupeve kriminale dhe qeverisë – është duke u thelluar. Numri i personelit të sigurimit të vrarë të hënën ishte më i shumti në një incident të vetëm vitet e fundit.
(F.GJ/FAXWEB.AL)
Discussion about this post