Flogert Terziu, gjimnazist në vitin e dytë në Klos është zhdukur dje pa asnjë gjurmë ndërsa ishte nisur për mësim.
Mësohet se i riu ka lënë librat në një dyqan dhe është larguar pa adresë. Familjarët kanë bërë denoncim në polici por nuk ka ende asnjë gjurmë nga Flogerti, i cili i ka dërguar një mesazh të atit duke i shkruar që mos ta kërkojnë.
Babi tregon më tej se familja e tij nuk ka pasur asnjë problem, dhe ndoshta largimi i të birit lidhet me ndonjë problem të moshës.
“Nga ora 12 e gjysmë që është nisur për shkollë dhe nuk është kthyer më. Kontaktova me mësuesin kujdestar dhe nuk kishte shkuar fare në shkollë, librat i kishte lënë në një dyqan aty. Nuk kemi pasur asnjë problem, mendje adoleshenti nuk e di.
Bëmë denoncimin në polici, nuk ka shkuar te asnjë nga të afërmit. Më ka dërguar mesazh dhe më ka thënë ‘’babi mos më kërko më, jam në Tiranë, në Durrës”, thotë babai i Flogert Kryeziut. Lutfiu, i cili punon si polic privat në Klos.
Discussion about this post