Babë e bir rrahin një 24-vjeçar, ndodhet në gjendje të rëndë në Spitalin e Traumës

Një ngjarje e rëndë është regjistruar në Kryeqytet ku babë e bir kanë rrahur një 24-vjeçar i cili ndodhet në gjendje të rëndë në Spitalin e Traumës.

Nga Komisariati i Policisë Nr.2 u bë arrestimi në flagrancë i shtetasit G.H., 40 vjeç, banues në Tiranë si dhe u procedua në gjëndje të lirë, djali i tij i mitur, shtetasi K. H., 17 vjeç.

Këta dy shtetas (at dhe bir) pas një debati për motive të dobëta janë konfliktuar fizikisht me shtetasin G. P., 24 vjeç, i cili ka mbetur i plagosur rëndë dhe aktualisht ndodhet në Spitalin e Traumës nën kujdesin mjekësor.

Materialet procedurale i kaluan për veprime të mëtejshme Prokurorisë së Rrethit Gjyqësor Tiranë, për veprën penale ”Plagosje e rëndë me dashje e kryer në bashkëpunim”.

(F.GJ/FAXWEB.AL)