“Kcimi i Tropojës” drejt UNESCO-s, koreografi Skënder Haklaj: Tashmë është në dorë të ministrisë së Kulturës

“Kcimi i Tropojës” drejt UNESCO-s dhe për të folur për këtë temë ishte Skënder Haklaj, koreograf “Mjeshtër i Madh”.

Haklaj tregoi edhe dallimet mes kcimit dhe valles së Tropojës, ndërsa bëri apel se duhen ruajtur rënjët dhe të përbashkëtat e të veçantat e folklorit.

“Detyra jonë është që ta ruuajmë “Kcimin e Tropojës”, të ruajmë thirrjet e rrënjës. Çdo komb ka të përbashkëtat por ka edhe të veçantat, dhe folklori ka të veçantat e tij. Në Tropojë janë 4 fiset e veçanta dhe ato kanë tiparet e tyre të veçanta për ti dalluar. “Vallja e Tropojës” nga “Kcimi i Tropojës” ndryshon sepse Kcimi është pa radhë dhe ka karakteristikat e veçanta. Nëse i themi valle e njëhsojmëm me të gjitha valet e kombit tonë, ndërsa pot ë themi “Kcim” nënkupton diçka të veçantë”.

Si është pritur dosja që ju keni përgatitur nga ministria e Kulturës dhe a ka pasur bashkëpunim mes jush?

“Në atë dosje që është dorëzuar janë disa argumentime shkencore të disa akademike. Dosjen nuk e plotësojmë dot e por ministria me këta akademikë për të cilët duhet të japë edhe funde financimi. Dosja është në dorën e shtetit dhe të ministrisë, lëre pastaj të fillojmë të bërtasim se na morën serbët lahutën, mund të na marrin edhe vallen.

Njerëzit profesionist për t’iu dhënë përgjigje pyetjeve për të cilat kërkohet përgjigje janë të gjetur. “Kcimi i Tropojës” është i destiniuar dhe duihet të mbetet i tillë. Kemi kohë deri me 20 Mars ti plotësojmë ato pyetje që na kërkon UNESCO, dhe kjo është në dorë të shtetit dhe ministrisë të angazhohet”, tha Haklaj në studion e Fax News

https://www.facebook.com/faxweb.al/videos/3020800887933477/

(F.GJ/FAXWEB.AL)