Zyra qendrore e OSBE-së i ka kthyer përgjigje një prej banoreve të Astirit lidhur me incidentin që ndodhi me ambasadorin Borchardt pak ditë më parë në Tiranë, i cili u tregoi gishtin e mesit qytetarëve.
Përvec se e konsideron gjestin e ambasadorit të pahijshëm, zyra qendrore e OSBE-së shprehet se ndaj tij ka nisur një hetim i brendshëm, për të cilin momentalisht nuk mund të jepen detaje të tjera.
Duket se për ambasadorin do të ketë një tërheqje vëmendje, pavarësisht se OSBE vlerëson punën e bërë prej tij në vendin tonë.
Kujtojmë se lidhur me gjestin e ambasadorit Borchardt ka pasur një lumë reagimesh në rrjetet sociale, ndërsa vetë diplomati u detyrua të kërkonte falje të nesërmen, dhe shtoi se e drejta e qytetarëve për të protestuar është tërësish legjitime.
(E.K/Faxweb.al)
Discussion about this post