Pas vendimit negativ nga BE për çeljen e negociata për Shqipërinë dhe Maqedoninë e Veriut, PD ka publikuar një videoduke pasqyruar situatën dhe arsyet e dhëna nga vendet skeptike për mos-çeljen e negociatave.
Pd ka bërë një kolazh të disa prej lajmeve dhe titujve të botuara në disa media vendase dhe të huaja, ndërsa e ka shoqëruar me mbishkrimin se kryeministri Edi Rama ka dështuar.
Përmes kësaj videoje, PD ka kërkuar largimin e Edi Ramës nga qeveria, pasi nuk arriti të siguronte një përgjigje pozitive.
“Partia Demokratike, nëpërmjet një videomesazhi kërkon largimin një orë e më parë i Edi Ramës dhe qeverisë së tij duke kërkuar të gjithë shqiptarët të bashkohen për të refuzuar Edi Ramën. Në video janë mesazhet kryesore që tregojnë se BE refuzoi Edi Ramën, qeverinë dhe politikën e tij të lidhur me krimin. PD thotë se Europa nuk refuzoi shqiptarët, por mos hapja e negociatave është refuzim i Europës për Ramën dhe ai duhet të marrë të gjithë përgjegjësitë e këtij dështimi duke u larguar. Videomesazhi përcjell edhe mesazhin e kreut të opozitës Lulzim Basha, se Rama duhet të japë dorëheqjen dhe të mos e bllokojë rrugën e Shqipërisë drejt BE-së. PD e konsideron Ramën si përgjegjësin kryesor për këtë vendim për shkak të keqqeverisjes, vjedhjes së zgjedhjeve, mosfunksioninit të drejtësisë dhe mbrojtjes së atyre që kanë vjedhur zgjedhjet. Për Partinë Demokratike, vendimi për të mos hapur negociatat është dështim personal i Edi Ramës, prandaj ai duhet të largohet”, shkruhet në mesazhin e shpërndarë nga zyra e shtypit të PD
Discussion about this post