Kryeministri i vendit, Edi Rama pas mbledhjes me kryesinë e Partisë Socialiste, deklaroi se u diskutua në lidhje me zgjedhjet brenda Partisë.
I pyetur nga gazetarët për kërkesën e kreut të PD-së Lulzim Basha për të vepruar njëlloj si Zaev dhe për ta çuar vendin në zgjedhje të parakohshme, Rama u shpreh i qartë se nuk do të këtë zgjedhje të parakoshme.
“E çfarë do të them unë në këtë rast?! Këtu nuk ka asgje të re, ato kanë punuar shumë fort dhe nuk kanë lënë gurë pa luajtur për të dështuar procesin por nuk ja kanë dalë. Ne kemi marrë mbështetjen e fuqishme të Merkel. Shoh një periudhë që Shipëria nuk ka arritur të merrte atë që meritonte. Ky ishte një konflikt mbi te ardhmen e BE-së. Detyrat tona janë shumë të qarta. Ja siç e shikoni dielli ka dalë përsëri, dita ka filluar dhe ne do vijojmë pa asnjë lëkundje. Këtë do bëjmë.”- u shpreh Rama.
Në një deklaratë për mediat nga selia blu, kreu i PD-së Lulzim Basha kërkoi që Rama të ndjekë shembullim e Maqedonisë së Veriut dhe ta çojë vendin drejt zgjedhjeve të parakohshme.
Basha tha se Shqipërisë i duhet një qeveri e re, që të jetë e aftë të mund të plotësojë kushtet e lëna nga BE.(Lexo këtu)
(M.Q/Faxweb.al)
