Nëpër media qarkulloi një video në të cilën pretendohej se ishte vëllai i ndjerë i deputetes Blerina Gjylameti që ecte me shpejtësi tepër të lartë me mjetin e tij, ndërsa lidhur me këtë ka reaguar edhe kunata e deputetes.
Majlinda Gjylameti, përmes një statusi në rrjetet sociale, shprehet e revoltuar me lajmin e dalë, dhe e quan një akt të turpshëm këtë situatë.
Duke argumentuar se publikimi dhe komentimi i pamjeve të tilla janë për të vënë kujën, sipas saj, askush nuk e di se pse mund të ketë ndodhur ky aksident tragjik. “Toni nuk ecte me shpejtësi dhe arsyet mund të jenë edhe shëndetësore”, shkruan ajo.
“Kjo që po ndodh me gazetarinë shqiptare është e turpshme. Së pari do t’ju thoja se publikimi i videove të aksidenteve dhe si rrjedhojë komentet e lloj-lloj monstrash janë për të vënë kujën. Pse i rivrisni familjarët?! Pse duhet të bëni shoë me fatkeqësitë e të tjerëve?!!! Askush nuk e di se pse mund të ketë ndodhur ky aksident tragjik. Që ta dini ju dhe kushdo që kërkon të bëjë show ose politikë me këtë fatkeqësi, Toni kurrë nuk ecte me shpejtësi dhe kjo mund të ketë ndodhur për arsye shëndetsore. Ndaj ju lutem lërini njerëzit me dhimbjen që kanë dhe heshtni e mos flisni kot”, shkruan Majlinda Gjylameti.
Elton Maçolli 42 Vjeç, mësohet se punonte tek Regjimenti i Farkes, ishte pilot helikopteri.
Aksidenti ndodhi mbrëmjen e djeshme në brendësi të tunetlit, ku makina e Maçollit pas një përplasjes me një maune shpërtheu në flakë.
Makina tip “Seat” ishte e pajisur me impiant gazi dhe raportohet se pas përplasjes me maunen ka shpërthyer brenda tunelit vetëm pak metra nga dalja e tij duke shkaktuar kështu edhe vdekjen e drejtuesit të saj.
Kjo është tragjedia e dytë në familjen e deputetes socialiste, pasi rreth një vit më parë, në muajin Korrik të 2018-tës, ajo humbi të motrën e saj, pas një beteje të gjatë me një sëmundje të rëndë.
(F.GJ/FAXWEB.AL)
Discussion about this post