Kreu i Partisë Demokratike i është përgjigjur sërish kryemistrit Rama përmes një shënimi në rrjetet sociale ku thotë se e ka të kotë që fshihet pas lojërave të fjalëve.
Basha thekson se nuk ka citat që tia mbulojë dështimet ndërsa shton se BE e ka refuzuar dhe për këtë duhet të mbajë përgjegjësi.
“Kot fshihesh me lojëra fjalësh. Nuk ka citat në botë ti mbulojë dështimet e tua. Pikë. BE të ka refuzuar ty! Mbaj përgjegjësi.”, shkruan kreu i opozitës.
Kryeministri Edi Rama ka vijuar replikat me kryedemokratin Lulzim Basha lidhur me vendimin që mori Bashkimi Europian për të mos hapur negociatat me vendin tonë, ndërsa ky i fundit i kërkoi kreut të qeverisë dorëheqjen.
Përmes një fotomontazhi ku duket Basha dhe kryeministri Italian, Giuseppe Conte, Rama citon fjalët e homologut të tij ndërsa ka deklaruar se vendimi i BE-së ishte një gabim historik, ndërsa foton e shoqëron me komentin “No coment” (lexo këtu)
(F.GJ/FAXWEB.AL)
Discussion about this post