Lulzim Basha i është përgjigjur sërish kryeministrit Edi Rama në vijim të replikave të nisura prej ditës së djeshme nëpër rrjetet sociale, ku në fukos të tyre është vendimi i Bashkimit Europian për të mos hapur negociatat me Shqipërinë.
Ndryshe nga herët e tjera që kanë komunikuar me njëri-tjetrin përmes fotomontazheve, kësaj radhe, Basha i është përgjigjur Ramës me një video që sipas tij është shpjegimi që i ka dhënë revista më e madhe e Europës, Der Spiegel vendimit për shqipërinë.
Reagimi i plotë:
Të gjithë shqiptarët e dinë të vërtetën që revista më e madhe e Europës, Der Spiegel e shkruan të zezë mbi të bardhë: Europa nuk refuzoi Shqipërinë, por refuzoi Ramën, sepse ai është një autokrat që rri në pushtet me ndihmën e krimit.
Shqipëria e meriton hapjen e negociatave. Shqiptarët meritojnë më të mirën. Një njeri e pengon këtë rrugë. Europa e refuzoi, tani është koha ta refuzojnë shqiptarët.
(F.GJ/FAXWEB.AL)
Discussion about this post