Kryeministri Edi Rama ka marrë pjesë në takimin e 100 qendrave kombëtare të mbrojtjes së të dhënave personale dhe privatësisë.
Gjatë fjalës së tij Rama ka shënjestruar hotelet ndërkombëtare në Shqipëri, ku sipas e vetmja mënyrë se si ndërkombëtarët dhe turistët vidhen në Shqipëri është në këto hotele, të cilat i tarifojnë më shumë sesa një shqiptar.
“Ja që shumë prej jush që erdhët në Tiranë ndoshta nuk e imagjinuat që do të vinit në një vend të tillë, ndoshta e menduat ndryshe, ndoshta disa prej jush menduan se do t’ju merrnin peng në aeroport, do t’ju vidhnin. E vetmja mënyrë si mund të të vidhnin në Tiranë është te faturat e hoteleve ndërkombëtare se ju tarifojnë siç nuk ju kishte shkuar mendja dhe pastaj fshihen në steriotipin e saj”, tha kreu i qeverisë, ndërsa i kërkoi pjesëmarrësve të takimit që gjithashtu kur të vijnë në Shqipëri të kenë kujdes me tarifat telefonike.
“Në vendin tonë asnjë i huaj nuk preket. Paragrafi ynë është që Shqipëria e shqiptarëve i përket zotit dhe të ftuarve dhe në qoftë se nuk vjen zoti vetë i ftuari është zoti. E vetmja gjë që mund t’ju them është kujdes me faturat celulare”, theksoi kryeministri.
