David MecaLlister ka reaguar lidhur me vendimin e BE-së për të mos hapur negociatat me Shqipërinë dhe Maqedoninë e Veiut, ndërsa tregon edhe zhgënjimin e tij.
Eurodeputeti tha se kryeministri holandez dhe presidenti francez duhet të japin sqarime për qëndrimet e tyre kundër vendeve të Ballkanit Perëndimor, teksa thekson se politika e zgjerimit paraqet dyshime në Gjermani.
Zyrtari I BE-së deklaron se përgjegjëse për një vendim të tillë është një pakicë e vendeve të Unionit ndërsashpreht kritik për diskutimet në Samit.
Eurodeputeti David McAllister, pjesë e Partisë Popullore Evropiane dhe Kryetar i Komitetit të Punëve të Jashtme të PE-së nuk ka fshehur as zhgënjimin ndaj Gjermanisë për të cilën shprehet se nuk arriti të bindë partnerët e saj.
“Para së gjithash, ne po flasim vetëm për fillimin e negociatave. Përfundimi i tyre do të zgjaste shumë vite, kështu që vetëm fillimi i bisedimeve me Maqedoninë Veriore dhe Shqipërinë nuk do të thotë që këto vende do të bëhen pjesë e Bashkimit Evropian nesër. Së dyti, presidenti francez në argumentin e tij theksoi se ai ishte kundër bisedimeve të pranimit, sepse ai besonte se BE së pari duhet të rishikojë procesin e zgjerimit.
Jam dakord që ka gjëra që mund të bëjmë më mirë në këtë fushë. Në të njëjtën kohë, megjithatë, unë shpresoj që 27 liderët e BE-së do të jenë në gjendje të bien dakord për këtë çështje gjatë presidencës së ardhshme, kur samiti i Ballkanit Perëndimor është planifikuar për majin e vitit 2020. Ndoshta atëherë do të ketë një përparim në bisedime dhe do të negociohet një dritë jeshile për Maqedoninë Veriu dhe Shqipëria.
Shpresoj kështu. Sipas mendimit tim, zgjidhja më e mirë do të ishte një rrugë e ngjashme me rezolutën e miratuar nga Bundestagu gjerman – drita jeshile për Maqedoninë Veriore dhe dritë jeshile e kushtëzuar për Shqipërinë. Vlen të përmendet se politika e zgjerimit ngjall shumë dyshime në Gjermani, dhe Bundestag gjerman ka vendosur të ndjekë këtë rrugë. Kjo është një arsye tjetër pse unë jam aq i zhgënjyer që Gjermania, e cila ka treguar udhëheqje në këtë fushë, nuk ka arritur të bindë partnerët tanë francezë. Macron, Rutte dhe të tjerët janë përgjegjës për këtë vendim dhe duhet të shpjegojnë pse e morën atë“, tha eurodeputeti.
(F.GJ/FAXWEB.AL)
Discussion about this post