Ndoqi shtatëzaninë e Rexhina Debrovës, merret i pandehur mjeku

Prokuroria e Elbasanit ka marrë të pandehur mjekun Ardian Kadefçiu, i cili ka qenë një nga dy mjekët që kanë kryer operacionin e lindjes si edhe ka ndjekur gjatë gjithë kohës shtatëzaninë e Rexhina Debrovës.

Rexhina Debrova është 25-vjeçarja e cila  ndërroi jetë pas lindjes në maternitetin e Elbasanit. 

Vdekja e 25 vjeçares, gjashtë muaj më parë, u shoqëruar me reagime dhe protestat të shumta, si nga familjarët e vajzës por dhe nga opinion publik i cili u sensibilizua me rastin.

Nga rezultatet përfundimtare të autopsisë, vdekja pas lindjes cezeriane e 25 vjeçares ka ardhur nga Koagulimi. Koagulimi është një mpiksje gjaku, e cila e bën këtë të fundit të trashë deri sa thahet përfundimisht.

Për pasojë nga mpiksja e gjakut është bllokuar një nga venat kryesore që çon gjakun në mushkëri, duke shkaktuar vdekjen e menjëhershme. Në mjekësi KOAGULIMI është i rralle, por më i shpeshtë te ndërhyrjet gjatë lindjes.

(K.H/Faxweb.al)