Dy shqiptar ilegalë janë kapur duke trafikuar një kg kokainë, me vlerë deri në 100,000 paund.
Adison Neziri dhe Abedin Jata u monitoruan nga policia britanike duke shpërndarë dozat e kokainës me taksi në Norwich.
Prokurori Andreë Jackson deklaroi në Gjykatën e Norwich-it se dy emigrantët ilegalë kishin ardhur në Mbretërinë e Bashkuar nga Shqipëria, por ishte e paqartë se sa kohë kishin qëndruar në Angli.
Oficeri i policisë së Norëichit rrëfeu për mediat angleze edhe momentin kur policia zuri në flagrancë shqiptarët.
‘Makina ishte drejtuar për në Bell Road afër Sproëston Road dhe Neziri doli nga makina ku mbante një çantë transportuesi. Ai hyri në një rrugicë dhe më pas u zhduk. Ne pritëm deri sa të kthehej në makinë ku po e priste Jata dhe më pas i arrestuam. Neziri iu gjetën edhe një grup çelësash me të cilët policia hapi dhe bastisi banesën ku ai jetonte në rrugën Sprowston.
Gjatë kontrollit në banesë u gjet edhe një bllok me 995 gramë kokainë të ndarë në 61 doza’, tha oficeri i policisë.
Të dy shtetasit shqiptarë, Jata dhe Neziri pranuan që ishin shpërndarës droge. Ndërsa Jata për 24 vjeçarin Philip Misner i cili u arrestua po ashtu nga policia, tha se po e përdornin si korrier.
Discussion about this post