Një polic që po ndiqte një të dyshuar me biçikletë nuk e ka përmbushur dot misionin e tij pasi është rrezuar keq nga biçikleta.
Në një video të filmuar nga kamera e vendosur në makinën e një shofereje që po kalonte aty pranë, duket polici i shkretë që rrëzohet ndërsa përpiqej të merrte kthesën.
Oficeri i pafat mund të shihet sesi ‘fluturon’ në ajër përpara se të përplaset me fytyrë në tokë. Si fillim, në pamje duket një nga të dyshuarit që po ecte shumë shpejt me biçikletë më pas në skenë del dhe polici duke u munduar ta kapë.
Pasi ra në tokë, ai ia bën me shenjë kolegut të tij që të vazhdojë të ndjekë të dyshuarin që ishte larguar.
Ndërsa ngrihej nga toka, polici i skuqur nga sikleti ia bëri me dore shoferes që kishte ndaluar për të parë a ishte mirë.
Vajza që ka filmuar pamjet, e cila ka kërkuar të mbetet anonime. tha se videoja e bëri aq shumë për të qeshur sa e ka parë disa herë radhazi.
Ajo tha:
”Polici ma bëri me shenjë dhe e kuptova që ishte mirë. Kur e pashë në fillim thashë se do kishte thyer qafën.”
Discussion about this post