Terrorizmi është tashmë një fenomen kërcënues në të gjithë botën, por Ballkani ka një mundësi të artë për strehimin e elementëve terroristë. Në një raport të vitit 2018, Drejtoria Kombëtare e Antimafias në Itali deklaron se Porti i Barit ka shërbyer si urë kalimi e terroristëve islamikë nga Lindja drejt Perëndimit.
Sipas informacioneve që kanë mundur të mbledhin disa gazetarë italianë, pasi deri më tani raporti ende nuk është publikuar zyrtarisht për arsye të të dhënave sekrete që ai përmban, thuhet se Porti i Barit është bërë vend tranziti për drogat, armët, mallrat e falsifikuara dhe trafikimin e ilaçeve.
Antimafia italiane jep alarmin se janë futur dhe mund të futen në territorin italian ithtarë të Kalifatit Islamik, shqiptarë të Shqipërisë dhe Kosovës, islamistë të Ballkanit por edhe islamikë me prejardhje jashtë Ballkanit me dokumente false si shqiptarë.
“Përveç kësaj shtohet hipoteza shqetësuese, por ende e pambështetur nga gjetje objektive të bëra nga ministri i Brendshëm, i cili hedh hipotezën se porti i Barit mund të jetë një hyrje e lehtë në vendet evropiane për terroristët islamikë. Është e dëshirueshme, shkruajnë magjistratët e Drejtorisë Antimafia bashkëpunimi mes forcave policore dhe ndërportuale me ato të autoriteteve doganore”.
Ndërkohë, si një masë e domosdoshme është bashkëpunimi për të parandaluar dhe për t’i bërë rezistencë çdo përpjekjeje të infiltrimit të qëndrueshëm të kriminalitetit të huaj në portin e Barit, për të mos lejuar që porti tradicional dhe dinjitoz të jetë si “Porta e Lindjes” për shkëmbime tregtare dhe kulturore me vendet në lindje të “Adriatikut.
Discussion about this post