Në kërkim prej 3 vitesh/ I dënuar me burg për fshehje të të ardhurave, kapet në Qafë-Thanë shtetasi bullgar

Shtetasi bullgar me inicialet G.K., 52-vjeç është arrestuar pasditen e sotme nga oficerët e kufirit në Qafë Thanë.

Ndalimi i tij u bë pasi Gjykata e Apelit Tiranë e ka dënuar me 4 vite burg (nga të cilat i mbeten për të vuajtur 3 vite e 8 ditë burg) për veprën penale “Fshehja e të ardhurave”.

Njoftimi i policisë:

Shërbimet e Stacionit të Policisë Kufitare në Qafë-Thanë, në hyrje të Republikës së Shqipërisë, bënë ndalimin e shtetasit të shpallur në kërkim: G.K, 52 vjeç, banues në Bllagoevgrad-Bullgari. Ndalimi i tij u bë pasi, Gjykata e Apelit Tiranë me vendimin e datës 12.11.2015, e ka dënuar këtë shtetas me 4 vite burg (nga të cilat i mbeten për të vuajtur 3 vite e 8 ditë burg) për veprën penale “Fshehja e të ardhurave”.

Veprimet e mëtejshme lidhur me këtë rast do të ndiqen nga Seksioni për Krimin Ekonomik-Financiar, pranë Drejtorisë Vendore të Policisë Tiranë.

(F.GJ/FAXWEB.AL)