Gruaja 67-vjeçare dhe bashkëshorti I saj 68-vjeç janë bërë prindër të një foshnje në Kinë, dhe nëse konfirmohet se shtatëzënia e Tian ka qenë natyrale, bëhet fjalë për një rekord botëror.
Gjyshja 67-vjeçare ka lindur vajzë, në lindje të Kinës, duke u bërë kinezja më e moshuar që sjell në jetë një fëmijë.
“Gruaja, me emrin Tian, lindi të premten me cezarian në provincën e Shandongut”, njoftoi media lokale.
Materniteti i qytetit Zaozhuang konfirmoi se një 67-vjeçare kishte lindur në mjediset e tij, por pa dhënë detaje.
“Fëmija është një dhuratë nga qielli për ne të dy”, deklaroi bashkëshorti i Tian, 68 vjeç.
Bebja u quajt “Tianci” që do të thotë “Dhuratë nga qielli” në gjuhën kineze. Tian është tashmë mama e dy fëmijëve mes të cilëve një djalë i lindur në vitin 1977, menjëherë para hyrjes në fuqi të politikës vetëm një fëmijë vendosur për të frenuar rritjen e madhe demografike në Kinë.
