Kontestoi ashpër me arbitrin, ja sa ndeshje pezullohet Ancelotti

Trajneri i Napolit Carlo Ancelotti është pezulluar me një ndeshje pas të kuqit të marrë ndaj Atalanta-s mbrëmjen e së mërkurës.

Ancelotti është urdhëruar të shkojë në tunelin e stadiumit pasi protestoi për mosakordimin e një penalltie në favor të ekipit të tij.

Megjithëse trajneri mbrojti bëmat e tij, FIGC thotë se ai ka hyrë në fushë duke kontestuar vendimin e arbitrit.

Përveç Ancelotti-t, një ndeshje pezullim është vendosur edhe për menaxherin e ekipit De Matteis. Gjithashtu, klubi duhet të paguajë 3,000 euro gjobë pasi tifozët kanë hedhur shishe plastike në fushë ndaj Atalanta-s.