Një aksident i rëndë ka ndodhur në aksin Elbasan-Peqin në fshatin Pajovë, ku si pasojë kanë mbetur 1 person i plagosur.
Në aksident janë përfshirë një makinë tip ‘Benz’ me targa AA 595 XG dhe një makinë ‘Volkwagen’ me targa AA 016 XS.
Shtetasi A.G., duke drejtuar mjetin tip “Benz” , ka humbur kontrollin mbi mjetin duke dal nga rruga dhe duke përfunduar në ambjentet e një lokali, ku është përplasur me mjetin tip “Golf” i cili ishte i parkuar me drejtues shtetasin B.H., 31 vjeç, banues në Kukës.
Mësohet se i plagosuri është dërguar menjëherë në urgjencën e spitalit të Elbasanit, ku po merr ndihmën mjekësore.
Fillimisht, u raportua se ishin 3 persona të plagosur, por sipas policisë ka mbetur vetëm një person i plagosur.
Policia ndodhet në vendin e ngjarjes, dhe po punon për zbardhjen e plotë të aksidentit.
Informacion zyrtar:
Në aksin rrugor Elbasan – Peqin, në fshatin Pajovë, shtetasi A.G., duke drejtuar mjetin tip “Benz” , ka humbur kontrollin mbi mjetin dhe është përplasur me mjetin tip “Golf” i cili ishte i parkuar me drejtues shtetasin B.H., 31 vjeç, banues në Kukës.
Si pasojë e përplasjes është dëmtuar lehtë shtetasi R.Gj., i cili ishte pasagjerë në mjetin “Benz”.
Grupi hetimor ndodhet në vendngjarje dhe po punon për zbardhjen e shkakut të aksidentit.
(K.H/Faxweb.al)
