Deputeti Korab Lita vijon të bëjë deklarata të forta lidhur me grupin demokrat, ndërsa sot në Kuvend tha se një nga deputetet është përjashtuar nga ky grup. Lita i kërkoi Ruçit që ta hiqte atë nga lista e diskutantëve, po nuk bëri të ditur emrin e ligjvënëses.
‘’Grupi ka vendosur që të ketë 9 anëtarë, një deputete nuk është më pjesë e tij. Ta mbyllim njëherë e mirë këtë situatë të krijuar, pasi po na pengon punën në grupin tonë parlamentar”, u shpreh Lita, ndërsa nuk vonoi as përgjigja e Ruçit, i cili tha se nuk është kompetencë e kryetarit të Kuvendit që të zgjidhë problemet e brendshme në grupet parlamentare.
“Ju lutem edhe njëherë u kam sqaruar seancën e kaluar dhe se nuk është kompetencën as e kryetarit të Kuvendit dhe as e seancës të merret me grupet parlamentare, duhet ti zgjidhni ju brenda për brenda. Mos implikoni parlamentin”, u shpreh Ruçi.
(E.K/Faxweb.al)
Discussion about this post