Pedagogu dhe aktivisti Rezart Prifti, i ftuar në studion e lajmeve në Fax News foli për lëvizjen “Alternativa” e cila sipas tij është një lëvizje e mendësisë ndryshe dhe gjeneratës së re.
Prifti u shpreh se lëvizja “Alternativa” mund të kthehet në një parti politike, nëse populli do të përqafojë idete dhe propozimet e lëvijes.
“Unë uroj që të dalin sa më shumë lëvizje. Që të bëhet trend, të dalë shoqëria shqiptare nga bataku që ka rënë. Kemi një shtet që shantazhon çdo lloj personi. Mos fol se këta të vrasin. Të duket qesharake?! Çfarë ndodhi me prokurorin?! Po, janë të rrezikshëm, të heqin nga puna, të vrasin!
Disa njerëz kanë prirje refuzim për të marrë hapin e duhur për të bërë ndryshim. Ne po përpiqemi të bëjmë një lëvizje që të ndryshojmë mendësinë e njerëzve. Nuk është garë, është maratonë. Lëvizja e gjeneratës së re, e mendësisë ndryshe.
Duhet fillmisht heqje e taksave, ulje të barrës fiskale. Prona është imediate në Shqipëri. Po vdesin njerëz dhe nuk po e marrin pronën. Sot ka hipotekë, Aluizëm, ka edhe Kadastër dhe ca të tjera që janë të gjithë hajdutë me kollare. Po ashtu duhet një arësim më cilësor.
Së katërti kultura. Këtë vend e kanë lënë të pakulturuar, të paedukuar. Kemi vetëm bukë, kafe dhe bereberhane. Kultura është primare në këtë shoqëri. Por këto e kanë çkulturuar këtë vend.
Ky grupim mendon se partia politike është gjëja me e thjeshtë për t’u bërë. Por ne do të rrahim idetë, vlerat tona do të prezantojmë veten tonë, dhe pastaj do të propozojmë idetë tona. Nëse shoqëria do ti mbështesë, ateherë do të kthehet në lëvizje politike.”- u shpreh Prifti.
(M.Q/Faxweb.al)
