Është konsideruar një nga talentet më të mirë këtë sezon në Serie A.
Marash Kumbulla është i pafat pasi pësoi një dëmtim në ndeshjen e fundit të Veronës ndaj Brescias. Qendërmbrojtësi kuqezi vuan një shqetësim muskulorë. 19-vjeçari nuk do të jetë pjesë e grumbullimit në Kombëtaren Shqiptare për ndeshjet e fundit kualifikuese ‘Euro 2020″, ndaj Andorrës dhe Francës.
Si të mos mjaftojë mungesa për grumbullimin e radhës, Kombëtarja shqiptare merr edhe një akuzë nga trajneri i Veronës, Juriç. “Ka pasur probleme që nga Kombëtarja. Ne si shoqëri duhet të rrisim kujdesin ndaj këtyre gjërave. Sipas meje, është një dëmtim muskulor”, ka thënë trajneri Juriç.
Kumbulla falë paraqitjeve pozitive është në “lupën” e disa skuadrave elitare në itali si, Fiorentina, Napoli dhe Juventusi.
Discussion about this post