E ftuar në emisionin “Aktualitet”në FaxNews, të gazetarit Bejdo Malo, pedagogia Ilirjana Kuçana ka kërkuar një interpelancë me ministrin e Brendëshëm dhe ministren e Arsmimit, për të zbuluar se kush i dhunoi studentët në Universitet.
Pedagogia i ka kërkuar publikisht, deputetit Artur Roshi që të mbahet një interpelancë pasi është e rëndë të ndodh kjo ngjarje. “Unë si nënë nuk e imagjinoi se si mund të dhunohet fëmija im brenda në universitet dhe të përfundojë në spital.”
Ish-deputetetja Nora Malaj tha se nëse do të mbahet një interpelancë, uron që të mos ndodh e njëjta është si me rastin e Alvinit, ku kryeministri ia delegoi ministres së shtetit, diçka që nuk ndodh në asnjë vend tjetër. Malaj tha se kemi arritur në dramën më të madhe kombëtare, nuk funksionon asgjë.
Gjithashtu, pedagogia u ndal edhe tek deputetët e Kuvendit, të cilët nuk folën për dhunën ndaj studentëve. Më tej, Kuçana tha se është e turpshme që në CV e deputetëve shkruhet vetëm “kam mbaruar shkollën e mesme ose të lartë”.
“Mua më mjafton të ketë një opozitë në vend. Unë po të isha kryeministre e vendit, do të jepja dorëheqjen vetëm nga këta deputetë. Është e turpshme, kur kam lexuar CV e tyre dhe kam parë që kanë mbaruar shkollën e mesme ose të lartë. Është e turpshme që puna e tyre e parë të jetë deputet/e e Shqipërisë. Fillimisht duhet të jenë njerëz që kanë shkëlqyer në fushën e tyre, që kanë dhënë kontributin e tyre, dhe më pas të na përfaqësojnë në Kuvend. Ndodhi dhuna në Astir, nuk shkoi asnjë deputet i opozitës, ti mbronte. Asnjë deputet nuk foli për dhunën ndaj studentëve.”
Discussion about this post