Presidenti i Republikës Ilir Meta e ka nisur konferencën e ditës së sotme duke njoftuar publikun se ditën e hënë do të bëjë një kallëzim penal ndaj kryetarit të Emërimeve të Këshillit në Drejtësi. Ardian Dvoranit.
Meta po ashtu tha se KED i bëri listat e vakancave të Presidencës dhe të Kuvendit në të njëjtën kohë. Po ashtu ai theksoi se në lidhje me listat nuk ishte marrë një vendim kolegjial, por personal i vet Dvoranit.
“Të katër vakancat Këshilli i ka emëruar në një ditë. Në vend që të respektojë kronologjinë. Presidentit ia dërgon më para, ndërsa Kuvendit vetëm ditën kur Presidenti e pyet: Zotëri po Kuvendit ia ke dërguar. Po thotë ia dërgova sot. Nuk paraqitet asnjë e dhënë pse janë dërguar dy lista njëherë tek Presidenti, dhe përse i janë vonuar një javë Kuvendit. Përsë ky kryetar që e di shumë mirë si është radhë në Kushtetutë ia ccon presidentit para dhe zgjedh t’ja çoj Kuvendit më pas? Në rastin më të keq, çdo budalla mund të thotë pse nuk ua dërgojë në të njëjtën ditë të dy palëve? Dhe dy palët kishin afat 30 ditë që të merreshin vesh. Këto veprime administrative tërësisht individuale nuk respektojnë afatin. Pse listat u dërguan në një kohë tek Presidenti?”, u shpreh Meta.
Discussion about this post