“Gruaja e avokatit të Saimir Tahirit e ka shpallur anëtare të Kushtetueses”, Monika Kryemadhi bën deklaratën e papritur për Arta Vorpsin

Kryetarja e LSI-së Monika Kryemadhi ndërkohë që ndodhet në një vizitë në SHBA, ka dhënë një intervistë për Zërin e Amerikës ka folur për aktualitetin politik në vend.

Kryemadhi vlerësoi fillimin e lëvizjes për krijimin e institucionit më të rëndësishëm në Shqipëri, pasi mosfunksionimi i Gjykatës Kushtetuese ka sjellë këtë rezultat që kemi sot.

Kryemadhi më tej pyeti se pse Ardian Dvorani boton vendimet e KED në Fletoren Zyrtare duke ngritur dyshime mbi lidhjet e tij me drejtoreshën e qendrës së botimeve, për të cilën tha se është bashkëshortja e avokatit të njohur Maks Haxhia, që ka mbrojtur edhe ish-ministrin Saimir Tahiri.

“Dua të përgëzoj që filloi lëvizja për të krijuar institucionin më të rëndësishëm në Shqipëri. Mosfunksionimi i Gjykatës Kushtetuese ka sjellë këtë rezultat që kemi sot, zgjedhje moniste, opozitën jashtë parlamentit, një sistem drejtësie që kërkohet të kapet nga qeveria dhe një stanjacion dhe depopullim të Shqipërisë.

Me çfarë të drejte z.Dvorani boton vendimet e KED në Fletore Zyrtare. Kush ia ka bërë këtë gjë? Cila është lidhja me drejtoreshën e qendrës së botimeve, bashkëshortja e Maks Haxhisë? A ka një lidhje me avokatin e ish-ministrit Tahiri?
Zonjën Vorpsi e ka shpallur gruaja e Maks Haxhisë, i cili është avokat i Saimir Tahirit. Gjykata Kushtetuese u ngrit, ka shumë çështje për të diskutuar”, tha ndër të tjera Kryemadhi.

(M.Q/Faxweb.al)