Një ngjarje e rëndë ka ndodhur pasditen e sotme në rrethinat e Tiranës, ku një 58 vjeçar ka rënë në prangat e policisë, pasi ka ushtruar dhunë fizike ndaj mbesës.
Gjithçka mendohet të ketë ndodhur për motive pronësie mes 58 vjeçarit me iniciale P.S me të vëllain shtetasin XH.S, ku gjatë konfliktit ka dhunuar fizikisht mbesën e tij duke i shkaktuar lëndime në trup.
Gjithashtu mësohet se është shpallur në kërkim djali i 58 vjeçarit me iniciale P.S, i cili gjatë konfliktit ka thyer xhamat e mjetit të të tij pasi ka qëlluar në drejtim të mjetit me armë zjarri.
Njoftimi i policisë:
Reagimi në kohë i shërbimeve të Komisariatit të Policisë nr 6, parandalon përshkallëzimin e një konflikti me pasoja të rënda .
Policia vë në pranga një 58-vjeçar i cili gjatë konfliktit për motive pronësie me të vëllain, dhunoi fizikisht mbesën.
Shpallet dhe në kërkim djali i 58 vjeçarit i cili gjatë konfliktit dëmtoi mjetin e xhaxhait duke e qëlluar me armë zjarri.
Shërbimet e Komisariatit të Policisë Nr.6, arrestuan në flagrancë shtetasin:
– P. S., 58 vjeç, banues në fshatin Maknor, në Pezë, Tiranë.
Në fshatin Maknor ky shtetas është konfliktuar për motive pronësie me vëllain e tij, shtetasin Xh. S., dhe gjatë konfliktit ka dhunuar fizikisht mbesën e tij (vajzën e shtetasit Xh. S.) duke i shkaktuar lëndime në trup.
Gjithashtu është shpallur në kërkim dhe po punohet intensivisht për kapjen e djalit të tij, shtetasit E. S., i cili gjatë konfliktit ka thyer xhamat e mjetit të xhaxhit (të shtetasit Xh. S.) pasi ka qëlluar në drejtim të mjetit me armë zjarri.
Materialet procedurale iu referuan për veprime të mëtejshme Prokurorisë së Rrethit Gjyqësor Tiranë për veprat penale “Dhunë në familje” në ngarkim të shtetasit P. S., dhe veprat penale “Shkatërrim prone”, “Kanosje”, “Prishje e qetësisë publike” dhe “Mbajtja pa leje e armëve”, në ngarkim të shtetasit E. S.
(K.H/Faxweb.al)
