Policia i ka bërë shpërthim të kontrolluar çantës që u gjet në Sheshin Skënderbej, ndërsa zyrtarisht thuhet se alarmi për bombë është fals pasi brenda çantës u gjenden vegla pune.
Prej më shumë se 1 ore policia e ka mbajtur nën kontroll çantën e cila me shumë mundësi është harruar nga ndonjë ‘usta’, ndërsa kishte rrethuar dhe perimetrin e sigurisë.
Prania e çantës në zemër të Tiranës u raportua nga një qytetar, ndërsa pas mbërritjes së forcave xheniere dhe kryerjes së shpërthimit të kontrolluar rezultoi se alarmi për bombë ishte fals dhe se brenda çantës ‘misterioze’ kishte vetëm vegla pune.
Njoftimi zyrtar i policisë:
Në lidhje me çantën e konstatuar në asfalt, në rrugën “Dedë Gjo Luli” , ku dyshohej se brenda saj mund të kishte lëndë plasëse ju informojmë se:
Pas mbritjes në vendngjarje të ekspertëve antieksplozit, është bërë kontrolli i saj ku rezultoi se brenda saj nuk kishte lëndë eksplozive por sende personale pune.
Nga veprimet e para hetimore dyshohet se kjo çantë është lënë gabimisht në rrugë.
Grupi hetimor vijon punën për sqarimin e plotë të rrethanave të ngjarjes.
Discussion about this post