Gjyqi për Emiljano Shullazin është shtyrë sërish sot. Arsye këtë herë është bërë shkarkimi nga detyra i gjyqtarit Arben Vrioni. Ky I fundit ishte një nga anëtarët e trupës gjykuese, por Komisioni I Pavarur I Kualifikimit vendosi shkarkimin e tij nga detyra.
Kjo nuk është hera e parë që procesi gjyqësor ndaj Shullazit dhe grupit të tij njeh shtyrje. Në fakt, gjyqet po shtyhen që nga nëntori i 2018, pra prej një viti nuk është zhvilluar thuajse asnjë seancë normale. Këtë herë arsye ishte mos-plotësimi i treshes gjykuese, ndërsa herë të tjera arsye është bërë edhe mungesa e avokatëve.
Grupi ‘Shullazi’, është dënuar më 13 nëntor 2018, me 55 vite burg nga Gjykata e Shkallës së Parë për Krimet e Rënda. Vendimi është apeluar nga grupi, por ky proces tek Gjykata e Apelit duket se ka ngecur për shkak të shtyrjeve të njëpasnjëshme.
(M. I./Faxweb.al)
Discussion about this post