Dy persona kanë mbetur të vdekur në aksin Ascoli-Mare, në Itali si pasojë e një aksidenti rrugor. Një nga viktimat është shtetasi shqiptar, Agron Bakaj, 48 vjeç. Ndërsa italiani që ka humbur jetën është identifikuar si Angelo Lucin, 39 vjeç.
Sipas mediave italiane, shqiptari ka qenë duke drejtuar një kamion të transportit ndërkombëtar në momentin e aksidentit.
Kamioni i drejtuar nga 48-vjeçari është përplasur me një tjetër kamion të transportit ndërkombëtar. Shkak i aksidentit është bërë fushëpamja e kufizuar për shkak të mjegullës që kishte mbuluar zonën dhe për shkak të punimeve në rrugë.
Përplasja “kokë më kokë” e kamionëve shkaktoi edhe trafik në aksin ku ndodhi aksidenti.
(M. I./ Faxweb.al)
