Presidenti Ilir Meta i është përgjigjur interesit rreth asaj që se cili është qëllimi i tubimit të 8 Dhjetorit ndërsa ka suprizuar me deklaratën e tij kur tha se është koha e Dhjetorit të dytë, ndërkohë që nuk ka kursyr akuzat ndaj klasës politike.
“Me datë 8 Dhjetor fillon një lëvizje e re, një dhjetor i dytë për një të drejtë që shqiptarët e kanë fituar që në 1990. Kjo nuk do të thotë se do të zgjasë mitingu pafund apo në një kohë të caktuar, por nuk do të tërhiqem nga ideja e referendumit derisa ai të zhvillohet dhe populli të shprehet. Populli shqiptar të mos mbetet më viktimë e partive, por përkundrazi, të jenë partitë që i nënshtrohen popullit shqiptar, dhe kjo lëvizje do të vazhdojë deri në zhvillimin e referendumit’, tha Meta.
Ndërkohë Presidenti ka treguar edhe një pyetje të mundshme që mund të jepet për referendum.
“Me datë 8 Dhjetor do të japë një përgjigje të re. Bëhet fjalë për një epokë të re. Epoka e Partive ka marrë fund, gjithmonë ia vënë fajin njëra-tjetrës dhe në fund qeverisin me oligarkët. Kjo klasë politike dështoi në mënyrën më absurde, e ka penguar integrimin e vendit, Shikoni vendet fqinje, kjo nuk mund të vazhdojë më kështu, dhe e ka zgjidhur vetë populli shqiptar me Referendum”.
Ata njohin drejtësinë tek Lana, drejtësinë e Dvoranit, të shkojnë në popull. Një pyetje që mund të bëhet është: Jeni me rezolutën e Kuvendit apo me dekretin e presidentit”, tha Meta.
(F.GJ/FAXWEB.AL)
Discussion about this post