Bleu spitalin “Continental”, Elvis Naçi reagon për herë të parë dhe jep lajmin e mirë

Imami dhe bamirësi Elvis Naçi pak ditë më parë u përfol në media se ka blerë me shumën 350 mijë euro spitalin privat “Consinental”.

Ndërkohë që vetëm pas dy ditësh, me anë të një postimi në Facebook, Naçi ka reaguar në lidhje me lajmin e publikuar, duke konfirmuar blerjen si dhe ka dhënë një lajm të madh për të gjithë shqiptarët.

Elvis Naçi ka treguar se ka nënshkruar një kontratë me Shoqatën Kombëtare të Jetimëve dhe 5 fëmijë jetimë do të marrin trajtim shëndetësor falas ndihma ushqimore dhe artikujt në çdo fillim viti shkollor.

Statusi i plotë:

Të nderuar motra dhe vëllezer Shqiptarë ja arritëm kësaj ditë të madhe. 5 mije jetimë, do të marrin trajtim shëndetësor falas në Spitalin Continental, si edhe ndihma ushqimore se bashku me artikujt shkollore në çdo fillim viti për të marrë një arsimim sa më cilësor. Për këtë u nënshkrua kontrata me Shoqatën Kombëtare të Jetimëve e cila ka të regjistruar 12 mijë familje me fëmijë jetimë. Falenderojme pa fund çdo shqiptar dhe shqiptare që me lekun e paster dhe të punës me djersë, na e bëri të mundur këtë arritje të madhe.