Disa njerëz janë nxjerrë të gjallë nga rrënojat e një pallati në Thumanë. Gazetarja e Fax News Fjona Çelaj teksa ka raportuar live nga terreni, ka dëgjuar zëra të banorëve nën rrënoja të pallatit.
“Janë gjallë shyqyr” dëgjohet të thotë një nga ndihmësit e emergjencave civile, ndërkohë që po bëhet përpjekja për ti nxjerrë. Megjithatë ende nuk dihet sesa persona ka nën rrënoja.
Nga tërmeti që tronditi vendi, raportohet paraprakishte se ka 4 viktima dhe mbi 300 të plagosur. Ende raportohet se ka viktima nën rrënoja.
Shqipëria është zgjuar mëngjesin e sotëm nën lëkundjet e një tërmeti me pasoja apokaliptike, që ka lënë pas viktima të plagosur dhe dëme të pallogaritshme në banesa.
Tërmeti më i fortë ka qenë ai i orës 03:54 minuta, me magnidutë 6.4, që arrin intesitetin deri në 9 ballë në qytetin e Durrës, ndërsa epiqendra e tij ka qenë në detin Adriatik.
Derimë tani janë konfirmuar 5 viktima, 1 i ri në Kurbin që u hodh nga ballkoni, dy gra në Thumanë, dhe dy viktima në Durrës. Në Thumanë dhe në Durrës dëmet kanë qenë më të mëdha dhe po punohet mbi rrënoja, pasi dyshohet që ka disa persona që janë aty, madje raportohet për familje, mes tyre dhe fëmijë.
Ministrja e Shëndetësisë Ogerta Manastirlliu tha se derimë tani 325 qytetarë janë paraqitur në spitalin e Durrësit dhe në spitalin e Traumës, që kanë marrë ndihmë mjekësore. Disa prej rasteve kanë qenë më të rënda. (Lexo edhe këtu)
Zona e plazhit në Durrësit mbetet më e prekura, ku dhjetra banorë janë transportuar nga ambulancat në drejtim të spitalit. Po ashtu hotel Palma në Durrës ka mbetur i rrafshuar, ndërsa nën rrënoja dyshohet që të kenë qenë dhe persona të stafit.
(M.Q/Faxweb.al)
Discussion about this post