Ramë Lala, 17-vjeç ka mundur që të dalë nga rrënojat e tërmetit të rënë në Durrës, pas më shumë se 10 orësh nga lëkundjet shkatërrimtare që goditën vendin tonë mëngjesin e sotëm.
17-vjeçari kishte dhënë gjatë gjithë kohës shenja jete, ndërkohë që poshtë rrënojave gjenden familjarë të tij.
Kanë qenë trupat e ardhur nga Kosova, ata që kanë bërë të mundur nxjerrjen e Lalës nga rrënojat e banesës, ku banonin të paktën 9 persona.
Në momentet e nxjerrjes i riu ka qenë në gjendje të rëndë, por mbetej i vetëdijshëm, dhe është transportuar me urgjencë drejt spitalit për të marrë ndihmë mjekësore.
Ndërkohë që më herët nga rrënojat e kësaj godine janë nxjerrë dy trupa të vdekur, ndërsa ka pak shpresa që të mund të ketë persona të mbijetuar.
Banesa pësoi një rrafshim total, menjëherë pas shpëtimit të të riut.
