Kryeministri Edi Rama ka reaguar sërish pak minuta më parë teksa ka pulikuar foton e një zjarrëfikësi nga Vlora të quajtur Luan Kapaj, për foton e të cilit thotë se nëse do të ishte një ditë me diell do të titllohej “fotoja e ditës”.
Sipas Ramës ai refuzoi maskën e oksigjenit pas dëmtimeve që pësoi dhe u rikthye sërish në rrënoja për t’ju ardhur në ndihmë njerëzve që ndodheshin aty.
“Në ditë me diell, kjo do të titullohej thjesht, PHOTO OF THE DAY.
Por sonte kjo foto kërkon shpjegim. Ky njeri i zakonshëm i këtij vendi, quhet Luan Kapaj. Zjarrfikës në Vlorë. Qysh pa gdhirë sot, Luani dhe kolegët e tij vlonjatë, ishin përballë gërmadhave. U gdhi e u ngrys dita dhe ky burrë që s’e njeh askush, nuk rreshti një sekondë, duke u përpjekur të nxjerrë nga duart e vdekjes, jetët e murosura nën pirgjet prej betoni.
E kur fuqitë e tij u duk se shterrën dhe Urgjenca Kombëtare Shëndetësore, e detyroi të shtrihej mbi barelë, vlonjati i paepur refuzoi maskën e oksigjenit dhe u rikthye tek gërmadhat, në kërkim të jetëve që kërkojnë shpëtim! Luani është ende aty, tani që po flasim.
Deri në frymën e fundit për frymën e fundit??
#HERO❤️”, shkruan Rama
(F.GJ/FAXWEB.AL)
Discussion about this post