“Kemi evidentuar shkollat e dëmtuara”, Shahini: Ende herët të nisë mësimi të hënën

Ministrja e Arsimit, Besa Shahini gjatë mbledhjes së qeverisë, ka evidentuar zonat më problematike ku janë shkollat e dëmtuara si dhe ka bërë propozimet e saj përsa i përket rinisjes së procesit mësimor.

Shahini ka propozuar se në qarkun e Durrësit të mos nisë ende mësimi, ndërsa në qarkun e Tiranës dhe Lezhës të mos fillojë mësimi vetëm në shkollat ku janë evidentuar dëmtime nga tërmeti.

Sipas Shahinit, dëmtimet në Tiranë dhe Lezhë nuk janë në nivelin e Durrësit dhe tashmë ministria e Arsimit  ka një plan të zhvendosjes së nxënësve.

“Ka nevojë për pak kohë për riparimin e shkollave, është identifikuar numri i atyre institucioneve që kanë pasur dëme. Në 26 nëntor drejtorët e shkollave apo dhe të drejtorive Arsimore kanë identifikuar numrin e shkollave e që kanë paraqitur ndonjë shqetësim.

Më 27 nëntor inspektorët kanë bërë inspektime dhe më 28-29 inxhinierë nga Kosova kanë inspektuar shkolla, Në Tiranë, Durrës Lezhë. Më 30 nëntor kemi bërë analizën mbi situatën në fjalë. Nuk mendoj se në Durrës se në qarkun Durrës është koha që të fillojmë të hënën. Edhe Tirana dhe Lezha kanë nevojë për disa rregullime. Kemi dy opsione për nisjen e procesit të shkollës”, tha Shahini.