Ka dhënë dorëheqjen kryetarja e Bashkisë së Durrësit, Valbona Sako, pas gafave të bëra gjatë dy intervistave të saj për mediat mbrëmjen e djeshme. Sako u shpreh se të prekurit nga tërmeti duhet të ndjehen me fat pasi janë sistemuar në hotele me 5 yje, gjë të cilën në kushte normale nuk do e bënin dot vetë.
Ndërsa në reagimin tjetër, gafa ishte akoma më e hidhur pasi deklaroi se “Jemi të kënaqur me 50 viktima se mund të ishin më shumë”.
Në një postim në Facebook pak minuta më parë, Sako shkruan se ndihet e lënduar pas reagimit negativ ndaj prononcimit të bërë prej saj në dy emisione.
“E lënduar nga reagimi i madh negativ ndaj një prononcimi që bëra, nën një stres që i kalon fuqitë e mia, jap dorëheqjen nga detyra e Kryetares së Bashkisë Durrës.
Falenderoj nga zemra të gjithë ata që më besuan dhe shpresoj në mirëkuptimin e të gjithëve.”
(K.H/Faxweb.al)
Discussion about this post