Zhylien Varfi është vendosur kryetar Bashkie në Durrës, pas dorëheqjes së Valbona Sakos ditën e sotme.
Emërimi i Zhyljen Varfajt u vendos nga Këshilli Bashkiak i Durrësit, i cili u thirr në një mbledhje të jashtëzakonshme pasi Sako njoftoi paraditen e sotme dorëheqjen.
Varfaj do të qëndrojë në këtë post deri në zgjedhjen e kryetarit të ri të bashkisë, ndërsa merr drejtimin e qytetit të dytë më të madh në vend në një situatë kaotike si pasojë e tërmetit shkatërrimtar që goditi qytetin bregdetar mëngjesin e së martës.
Ndërkohë, po sot ka dhënë dorëheqjen edhe nënkryetarja e Bashkisë, Elteva Kondi.
Valbona Sako dha dorëheqjen gafave të bëra gjatë dy intervistave të saj për mediat mbrëmjen e djeshme.
Sako u shpreh se të prekurit nga tërmeti duhet të ndjehen me fat pasi janë sistemuar në hotele me 5 yje, gjë të cilën në kushte normale nuk do e bënin dot vetë.
Ndërsa në reagimin tjetër, gafa ishte akoma më e hidhur pasi deklaroi se “Jemi të kënaqur me 50 viktima se mund të ishin më shumë”.
(K.H/Faxweb.al)
