Ministri i Brendshëm Sandër Lleshaj pas inspektimeve në qytetin e Lezhës në një pallat 12 katësh ku edhe akuzoi kreun e Urbanistikës në këtë qytet se po përhapte panik, ka ndarë me banorët e pallatit në fjalë shqetësimet e tyre në lidhje me hyrjet e dëmtuara.
Lleshaj tha se në këndvështrimin e tij nuk ka asnjë shqetësim sikurse shprehet nga banorët për të jetuar në banesat e tyre, por megjithatë njoftoi se dy ekspertë janë nisur nga Tirana për të dhënë një qëndrim përfundimtar.
Të pyetur për përplasjen e Lleshajt me shefin e Urbanistikës, kryebashkiaku i Lezhës dhe vetë ministri i kanë mohuar duke akuzuar edhe median për fantazira.
Lleshaj: Po të kishte rrezik, do ti nxirrnim edhe këta përjashtë, pot ë ishte për mua do të kisha future policët brenda ti nxirrnin përjashtë. Nuk ka asnjë lloj përplasje me Bashkinë. Me hy këtu gjysmën i kam njerëzit e mi. Nuk ngelem jashtë, gjej streh. Kam ardhur për të parë, shikoj që banorët janë të shqetësuar, mendoj se pa arsye, por janë të shqetësuar dhe për ta trajtuar këtë janë thirrur dhe tashmë janë nisur dy ekspertë nga Tirana.
Ndreu: Kjo përplasja është fantazi e juaja, këtu banoj unë, kryetari i Bashkisë, tek ky pallat. Ne kemi konstatuar disa pika, por ne nuk jemi inxhinier, për këtë kemi thirrur disa ekspertë, dhe derisa të vijnë ata nuk do të lejojmë njerëzit të futen brenda. Kështu që këto përplasjet janë fantazirat tuaja.
(F.GJ/FAXWEB.A)
Discussion about this post