Përplasen dy makina, plagosen 4 persona në Shkodër

Një aksident i rëndë ka ndodhur në aksin Shkodër-Koplik. Aksidenti ka ndodhur në afërsi të fshatit Shtoji i Vjetër, ku dy mjete janë përplasur me njëra-tjetrën.

Raportohet se për pasojë 4 persona kanë mbetur të plagosur.

Njoftimi paraprak

Më datë 05.12.2019, ora 17:50, në aksin rrugor Shkodër-Koplik në vendin e quajtur fshati Shtoj Vjetër, janë përplasur, mjeti tip “Benz” me drejtues shtetasin S. P. 63 vjeç, dhe pasagjere K. P. 56 vjeçe, banues në L. 3 Heronjtë, me mjetin tip “Kamion” me drejtues shtetasin me P. L. 21 vjeç, dhe pasagjere M. L. 63 vjeçe, banues në L. Guerrile, Shkodër

Për pasojë janë demtuar të 4 shtetasit dhe ndodhen në Spitalin Rajonal Shkodër.

Po kryhen veprimet me grup hetimor, për sqarimin e rrethanave të aksidentit.