“U desh ky tërmet të të takoja”, Inva Mula bën rrëfimin e ndjerë: Erdha vetëm për një natë dhe ishte e frikshme

Sopranoja e famshme, Inva Mula ka rrëfyer sesi i ka përjetuar momentet e tërmetit në 26 Nëntor. Ajo tregoi se kishte mbërritur në Shqipëri për të qëndruar vetëm një natë dhe ajo natë rastisi të ishte nata e tërmetit.

Inva Mula u shpreh në studion e “ABCNews” se ka përjetuar momente tmerri. Madje sopranoja ndau edhe një moment prekës me një qytetare ditën e tërmetit.

“Unë pesonalisht e përjetova me frikë. Kisha ardhur vetëm për një natë, por ajo ishte nata e tmerrit. Shumë e frikshme, ajo ora 03.56 minuta. Kjo na tregon se nuk jemi asgjë në këtë botë. Jemi kaq vunerabël, sepse për disa sekonda gjithçka kthehet përmbys… Kjo ishte një tragjedi e madhe për vendin dhe askush nuk ka mbetur indiferent.

Unë që atë ditë mora makinën dhe shkova në zonat e prekura më rëndë nga tërmeti. Më emocionoi një nënë e cila teksa mbante fëmijën e vogël në krahë më tha “u desh që të binte termeti që të takoja ty””, tha Inva Mula.

(M. I./ Faxweb.al)