Një nënë i ka habitur të gjithë me gjestin që ajo ka bërë me të voglin e saj. Teksa ishin të ulur në një lokal tek zona e “Pazarit të Ri” në Tiranë, nëna e djalit ka pikasur se në tavolinën ngjitur dikush kishte harruar celularin.
Në këtë moment, ajo thur planin dhe nis t’i tregojë djalit të saj se çfarë duhet të bëjë që ai celular të bëhej i tyri. Pasi dëgjon fjalët e mamasë së tij, i mituri niset drejt tavolinës ku ishte harruar aparati telefonik dhe e fut në xhepin e xhupit. Nga ana tjetër, nëna e pret pa lëvizur djalin.
Pasi ky i fundit kthehet, largohen njëri pas tjetrit nga lokali. I zoti i celularit kthehet për ta marrë atë, por nuk e gjen. Por e gjitha kjo skenë është regjistruar nga kamerat e sigurisë që lokali kishte vendosur. Aty tregohet se të gjitha veprimet janë kryer për 1 minutë e 36 sekonda.
Pasi hapen kamerat, djali e kuptoi se çfarë kishte ndodhur dhe i drejtohet Komisariatit nr. 1 të Policisë së Tiranës për të bërë denoncimin për vjedhje. Pas kallëzimit të bërë dhe pas publikimit të videos në media, mësohet se gruaja është paraqitur vetë në Komisariatin nr.1 për të dorëzuar celularin.
(M. I./ Faxweb.al)
